ફરી ન છૂટવાનું બળ જમા કરે કોઇ .....

ફરી ન છૂટવાનું બળ જમા કરે કોઇ
પ્રસંગ, નહિ તો મિલનના જતા કરે કોઇ

મને ઘણાય તમારો સંબંધ પૂછે છે
તમારી પણ કદી એવી દશા કરે કોઇ

તમારી પાસ જવાની નથી થતી ઇચ્છા
મને ફરીથી જવાની મના કરે કોઇ

ભલે અવાજની ક્ષિતીજમાં જઇ ન શકાય
વિચારને તો જતા – આવતા કરે કોઇ

કોઇ નજીક નથી – એ વિષે હું કૈં ન કહું
આ સંકડાશ વિષે સ્પષ્ટતા કરે કોઇ

ગુન્હા કર્યા તો ‘ફના’ મેં ગુન્હા તમારા કર્યા
મને એ માન્ય નથી કે સજા કરે કોઈ.

- જવાહર બક્ષી

નસીબમાં અમારા બસ ઈન્તજાર આવે છે.........

શ્વાસમાં તમારા સુવાસ અપાર આવે છે,

આવો કે પગલે પગલે તમારી બહાર આવે છે,

કંઇ હરકત કંઇ શરારતને તમારી વખાણુ ભલા,

તમારી હર એક અદા પર મને પ્યાર આવે છે,

જીદગીના સફરમાં જૉયા છે ઘણા ચહેરાઓ પણ,

યાદ માત્ર તમારી એક અણસાર આવે છે,

તરસે નયન તમારા ચહેરાના દીદારમાં તે,

ભરાઈ આંખમાં આસુંઓના સરોવર આવે છે,

સનમ રહેવા દો વાત મિલનની ખબર છે અમને કે,

નસીબમાં અમારા બસ ઈન્તજાર આવે છે.