તમે મન મૂકી વરસો,ઝાપટું આપણને નહિ ફાવે.
અમે હેલીના માણસ માવઠું આપણને નહિ ફાવે.
કહો તો માછલી ની આંખમાં ડૂબકી દઈ આવું,
પરંતુ છીછરું ખાબોચિયું આપણને નહિ ફાવે.
તું નહિ આવે તો એ ના આવાનું ફાવશે,
ઘરે આવી, તારું પાછું જવું,આપણને નહિ ફાવે.
વફાદારીની આ ધગધગતી તાપણીઓ બુઝાવી દો,
સળગતું દિલ, દઝાતું કાળજું આપણને નહિ ફાવે.
તને ચાહું, ને તારા ચાહનારાઓને પણ ચાહું?
તું દિલ આપી દે પાછું, આ બધું આપણને નહિ ફાવે.
તમાચો ખાઈ લઉં આ ગાંધીગીરીના નામ પર,
પણ આ પત્નીને 'બા' સંબોધવું આપણને નહિ ફાવે.
ખલીલ અણગમતાને ગમતો કરી લેવું નથી ગમતું,
ભલે તમને બધાને ફાવતું આપણને નહિ ફાવે.
- ખલીલ ધનતેજવી
4 comments:
superb broth
very nice!!!badhane samjvata fave pan aa mann ne samjavu apan ne nai fave!!!!!
વાહ વાહ ખૂબ સરસ.
જમાનો ગમે તેટલો ખરાબ બને.
પણ મને એના જેવું ખરાબ થતા નઈ ફાવે.
jetli vaar blog par aavu tyare aa sharyi vanchvani icha thai jaay che... superb, ane ema pan blod kareli line o to bahu j saras che..
Post a Comment